ಮೈದುನನ ಜನ್ಮದಿನಕ್ಕೆ ಅತ್ತಿಗೆ ಮಾಡಿದ ವಿಶ್ ಹೇಗಿತ್ತು ಗೊತ್ತಾ ? ಧ್ರುವಾ ಸರ್ಜಾ ಬಗ್ಗೆ ಮೇಘನಾ ಮಾತು..

ಇಂದು ಸ್ಯಾಂಡಲ್ವುಡ್ ನ ಆ್ಯಕ್ಷನ್ ಪ್ರಿನ್ಸ್ ಧೃವ ಸರ್ಜಾ ಅವರ ಜನ್ಮದಿನ. ಕೊರೊನಾ ಹಿನ್ನೆಲೆಯಲ್ಲಿ ಧೃವ ನಿನ್ನೆಯೇ ತಮ್ಮ ಅಭಿಮಾನಿಗಳಿಗೆ ಮನೆಯ ಬಳಿ ಯಾರೂ ಬರಬೇಡಿ, ಬದಲಿಗೆ ನೀವು ಇರುವ ಕಡೆಯಿಂದಲೇ ಹಾರೈಸಿ ಎಂದು ಅವರು ಮನವಿಯನ್ನು ಮಾಡಿದ್ದರು. ಈ ಹಿನ್ನೆಲೆಯಲ್ಲಿ ಈ ಬಾರಿ ಧೃವ ಅವರು ಅಗಲಿದ ಅಣ್ಣನ ನೆನಪಿನೊಟ್ಟಿಗೆ ತಮ್ಮ ಆತ್ಮೀಯರ ಜೊತೆಗೆ ಸರಳವಾಗಿ ತಮ್ಮ‌ ಜನ್ಮದಿನವನ್ನು ಆಚರಿಸಿಕೊಂಡಿದ್ದು, ಅವರ ಜನ್ಮ ದಿನದ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳು ಕೂಡಾ ಅವುಗಳನ್ನು ಹಂಚಿಕೊಂಡಿದ್ದಾರೆ.

ಮೊನ್ನೆಯಷ್ಟೇ ಮೇಘನಾ ಅವರ ಸೀಮಂತ ಕಾರ್ಯಕ್ರಮ ನಡೆದು, ಅಲ್ಲಿಗೆ ಹೋಗಿದ್ದ ಧೃವ ಅತ್ತಿಗೆಗೆ ಶುಭ ಹಾರೈಸಿ, ಭಾವುಕರಾಗಿದ್ದರು. ಮೇಘ‌ನಾ‌ ಕೂಡಾ ತನ್ನ ಜೊತೆ ಭಾವನಾತ್ಮಕವಾಗಿ ಬೆಸೆದಿರುವ ಧೃವ ಅವರ ಜನ್ಮದಿನಕ್ಕೆ ಅವರಿಗೆ ಶುಭ ವನ್ನು ಕೋರಿ, ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಫೋಟೋ ಒಂದನ್ನು ಶೇರ್ ಮಾಡಿಕೊಂಡು, ಧೃವ ಅವರಿಗೆ ಶುಭಾಶಯವನ್ನು ಕೋರಿದ್ದಾರೆ. ಮೇಘನಾ ಅವರು ಫೋಟೊ ದೊಂದಿಗೆ ಕೆಲವು ಅರ್ಥಗರ್ಭಿತ ಸಾಲುಗಳನ್ನು ಕೂಡಾ ಬರೆದುಕೊಂಡಿದ್ದಾರೆ.

ನನ್ನೊಂದಿಗೆ ನೀನು ಹೇಗೆ ಸದಾ ನಿಂತಿರುವೆಯೋ, ನಿನ್ನೊಂದಿಗೆ ನಾನು ಕೂಡಾ ಹಾಗೆ ಸದಾ ನಿಂತಿರುತ್ತೇನೆ. ಮೈ ಡಿಯರ್ ಬಾಯ್ ಬರ್ತ್ ಡೇ ಬಾಯ್ ಎನ್ನುತ್ತಾ, ನಾನು ನಿನಗೆ ಸದಾ ಸಂತೋಷವೇ ಸಿಗಲಿ ಎಂದು ಹಾರೈಸುತ್ತೇನೆ. ಚಿರು ರೀತಿಯಲ್ಲೇ ಸದಾ ನಗುತ್ತಿರಬೇಕು, ಸಂತೋಷದ ಜನ್ಮದಿನಕ್ಕೆ ಶುಭಾಶಯ ಗಳು ಎಂದು ಮೇಘನಾ ಅವರು ಬರೆದು ಪೋಸ್ಟ್ ಮಾಡುವ ಮೂಲಕ ಧೃವ ಸರ್ಜಾ ಅವರಿಗೆ ಜನ್ಮದಿನದ ಶುಭಾಶಯವನ್ನು ಕೋರಿದ್ದಾರೆ.